تکدر شیخ سخت مضر ہے

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ شیخ کے قلب کو ہرگز مکدر نہ کرے ، اگر اس کو چھوڑنا ہی ہو تو بلا اطلاع کے چھوڑے ورنہ دنیاوی زندگی اس کی تلخ ہوجاوے گی ، تادمِ نزع اس کو چین نصیب نہ ہوگا ۔ جس کو یقین نہ ہو وہ آزما کر دیکھ لے ، اور ایک طرح دین کا بھی نقصان ہو سکتا ہے ، وہ یہ کہ ذوق و شوق جاتا رہتا ہے۔ اگر ہمت کرے اور طبیعت پر جبر کرے تو دینی اعمال میں کچھ فرق نہیں آتا لیکن وہ جو ایک قسم کی توفیق و تائید تھی وہ جاتی رہتی ہے۔ اگرہمت سے کام لے تو اب بھی قادر ہوسکتا ہے اور اگر ہمت نہ کی تو دینی اعمال کی بھی توفیق نہ رہے گی۔ اس اعتبار سے شیخ کے تکدر کرنے میں دینی نقصان بواسطہ بھی ہوسکتا ہے گو بلا واسطہ دینی نقصان نہیں ہوتا۔(آداب ِ شیخ و مرید، صفحہ ۲۹۱)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات شیخ و مرید کے باہمی ربط اور آداب سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں