تواضع کی تعلیم

ملفوظاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ
فرمایا کہ لوگ تو کوشش کرتے ہیں کہ اتفاق ہو اور میں تواضع کی تعلیم کرتا ہوں ، اس سے خود اتفاق ہوجائے گا۔ تکبر جو جڑ ہے نااتفاقی کی ، اس کو مٹایا جائے اور پستی اختیار کی جائے بس اتفاق ہو جائے گا۔ ورنہ جو اتفاق کے اسباب ہیں جب تک وہ نہ ہوں تو کیسے اتفاق ہو سکتا ہے۔ یہ بات حضرت حاجی امداد اللہ صاحب رحمۃاللہ علیہ کی بتلائی ہوئی ہے۔ وہ فرماتے تھے کہ آج کل عقلاء اتفاق کی تو کوشش کر رہے ہیں مگر اس کے اصول ان کے ذہن میں نہیں آئے۔ اسی لئے جو لوگ اتفاق کی کوشش کرتے ہیں خود ان میں تواضع نہیں تکبر ہے پھر اتفاق کیسے ہو۔

نوٹ:- یہ ملفوظات ڈاکٹر فیصل صاحب (خلیفہ عبدالمتین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔