تقوی کی وجہ سے ہر قسم کی کامیابی بندہ کو نصیب ہوتی ہے

ملفوظاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ تقویٰ سے اللہ تعالیٰ کا فضل شامل حال ہوجاتا ہے اور سب مادی و طاغوتی طاقتیں حق تعالیٰ کے سامنے پاش پاش ہو جاتی ہیں۔ تقویٰ کی وجہ سے ہر قسم کی کامیابی بندہ کو نصیب ہوتی ہے۔ قوت کی اصل روح تعلق مع اللہ ہی ہے۔ دیکھئے اگر ضلع کا کلکٹر کسی کا حامی ومددگار ہوتو وہ کس قدر بے خوف اور جری ہوجاتا ہے۔ اور کمشنر سے بھی تعلق ہو تو قوت میں بھی اضافہ ہو جاتا ہے۔ بادشاہ کے تعلقات کو اسی پر قیاس کیجئے۔ اور جس کا تعلق رب العالمین، احکم الحاکمین ، بادشاہوں کے بادشاہ سے ہو اس کی طاقت کا کیا اندازہ ہو سکتا ہے۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔