بے موقع ذکر اللہ

ملفوظاتِ حکیم الامت مجدد الملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ ضلع اعظم گڑھ میں ایک شخص نے جماعت کے وقت بسم اللہ پڑھ کر نماز کی اقامت کہی۔ میں نے پوچھا کہ تم نے بسم اللہ کیوں پڑھی؟ کہنے لگا کہ بسم اللہ پڑھنا تو اچھا ہی ہے۔ میں نے کہا کہ بے شک بسم اللہ پڑھنا اچھا ہے لیکن یہ اس کا موقع نہیں۔ حضرت ابن عمر رضی اللہ عنہ کی حکایت ہے کہ ان کی مجلس میں کسی شخص کو چھینک آئی۔ اس نے کہا السلام علیکم۔

حضرت ابن عمر رضی اللہ عنہ نے فرمایا : علیک و علی امک السلام۔ اس کو ماں کا ذکر کرنا ناگوار ہوا اور برا مانا۔ حضرت ابن عمر رضی اللہ عنہ نے فرمایا کہ میاں سلام کرنا بہت اچھی شے ہے لیکن ہم کو جناب رسول مقبول ﷺ نے اس موقع پر یہ تعلیم فرمایا ہے کہ ہم الحمد للہ کہا کریں۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔