بچوں کے بابرکت نام (۱)۔

بچوں کے ناموں میں برکت اور خیر حاصل کرنے کے دو طریقے ہیں۔
۔۱۔ نام کے معنی اچھے ہوں:۔
جس نام کے معنی اچھے ہوں اس میں از خود برکت موجود ہوتی ہے ۔ مثلاً صالحہ یعنی نیک اور پرہیزگار۔ حسن یعنی اچھا اور پیارا۔ اس طرح کے با معنی ناموں کے رکھنے میں کوئی تردد نہیں ہونا چاہیے ۔ اس بارے میں چند باتوں کا خیال رکھنا چاہیے:۔
۔٭یہ خیال رہے کہ اچھے معنی شرعی اعتبار سے ہوں نہ کہ ماحول اور رسم و رواج کے لحاظ سے ۔
۔٭اس نام کے معنی کسی دوسری معروف زبان میں بھی کم از کم برے یا غیر شرعی نہ ہوں بالخصوص عربی، اردو یا انگریزی میں کہ جن سے اکثر لوگ واقف ہیں ۔ ورنہ تمسخر اور استہزاء سے بچوں کی شخصیت پر منفی اثرات پڑتے ہیں۔
۔٭یہ ضروری نہیں کہ جو لفظ قرآن میں وارد ہوا ہو وہ ناموں کے لیے بھی موزوں ہو۔اہلِ علم سے اس بارے میں مشورہ کر کے نام رکھنا بہتر ہے۔
۔٭جمع کے صیغہ فردِ واحد کے لیے نامناسب ہیں۔
( ۲۹ جنوری ۲۰۱۹ء،درس صحیح البخاری ، بمقام دارالحدیث ، اسلامک دعوۃ اکیڈمی، لیسٹر، برطانیہ)

ازافادات محبوب العلماء حضرت مولانا سلیم دھورات مدظلہ العالی (خلیفہ مجاز مولانا یوسف لدھیانوی شہید رحمہ اللہ تعالیٰ)۔

نوٹ: اس طرح کے دیگر قیمتی ملفوظات جو اکابر اولیاء اللہ کے فرمودہ قیمتی جواہرات ہیں ۔ آپ ہماری ویب سائٹ
https://readngrow.online/
پر بالکل مفت میں پڑھ سکتے ہیں ۔ براہ مہربانی یہ پوسٹ اپنے واٹس ایپ ودیگر سوشل میڈیا پر شئیر کریں ۔
اور ایسے قیمتی ملفوظات ہمارے واٹس ایپ چینل پر بھی مستقل شئیر کئے جاتے ہیں ۔ چینل کو فالو کرنے کے لئے یہ لنک وزٹ کریں
https://whatsapp.com/channel/0029VaJtUph4yltKCrpkkV0r
شکریہ ۔