بزرگی حاصل کرنے سے زیادہ ضروری انسان بنتا ہے

ملفوظاتِ حکیم الامت مجدد الملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ میرے یہاں تو صرف ایک چیز سکھائی جاتی ہے اور وہ انسانیت ہے۔ کوئی بزرگی کو ضروری سمجھ رہا ہے۔ میں انسانیت و آدمیت کو ضروری سمجھتا ہوں ۔ آدمی بننا ہو، انسان بننا ہو تو یہاں آئے۔ دیکھئے وضو نماز کے مقابلے میں کم درجہ رکھتا ہے مگر بدوں وضو نماز نہیں ہوتی تو میں وضو کراتا ہوں۔ ہر جگہ کا مطلوب جدا ہے۔

یہاں کا مطلوب فنا ہے اور اس کی تعلیم ہے جس کی نسبت فرماتے ہیں۔

افروختن و سوختن و جامہ دریدن پروانہ زمن شمع زمن گل زمن آموخت

اس سلسلہ کلام میں فرمایا کہ انسان بننا فرض ہے ، بزرگ بننا فرض نہیں اس لئے کہ انسان نہ بننے سے دوسروں کو تکلیف ہوگی اور بزرگ نہ بننے سے اپنے ہی کو تکلیف ہوگی ۔ وہ یہ کہ دوزخ میں جائے گا ، خود تکلیف اٹھائے گا ۔ انسان ہوگا تو اس سے دوسروں کو تکلیف نہ ہوگی اس لئے میں انسان بنانے کی کوشش کرتا ہوں بزرگ نہیں بناتا۔ میری روک ٹوک کی زیادہ وجہ یہ ہوتی ہے کہ میں چاہتا ہوں کہ ایک مسلمان سے دوسرے مسلمان کو اذیت نہ پہنچے اور مسلمانوں کا یہی مذہب ہونا چاہئے

بہشت آں جاکہ آزارے نباشد

کسے را با کسے کارے نباشد

نوٹ:- یہ ملفوظات ڈاکٹر فیصل صاحب (خلیفہ عبدالمتین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔