برکات الزکوٰۃ

’’ حافظ فضل حق صاحب خزانچی مدرسہ مظاہر علوم سہارنپور مرحوم کاتکیہ کلام ’’ اللہ کے فضل سے ‘‘ تھا ہر بات میں یہی جملہ ارشاد فرماتے اور اسی عادت کا اثر ان کے صاحبزادے حافظ زندہ حسن صاحب مرحوم میں بھی تھا وہ بھی ہربات میں ’’ اللہ کا فضل ‘‘ فرمایا کرتے تھے بہرحال ایک مرتبہ حافظ صاحب نے حضرت مولانا محمد مظہر صاحب سے عرض کیا ۔۔۔۔۔ حضرت جی رات تو اللہ کے فضل سے اللہ کا غضب ہی ہوگیا تھاحضرت نے ہنس کر فرمایا بھائی حافظ جی رات اللہ کے فضل سے کیا غضب ہوگئے تھے ؟عرض کیا کہ حضرت !میں سورہا تھا گھر میں چورگھس گئے اورتالہ توڑنے لگے میری آنکھ کھل گئی میں نے پوچھا تم چور ہو ؟انہوں نے کہا کہ ‘ہاں !میں نے کہا کہ میرا سارا روپیہ اسی کوٹھڑی میں ہے اور بہت سارا ہے ( کیونکہ مشہور رئیس ہونے کے ساتھ ساتھ مدرسہ مظاہر علوم کے خزانچی بھی تھے ) مگر اللہ کے فضل سے تم اس کولے نہیں سکتے اور دیکھو یہ تالہ جو اس کو لگ رہا ہے چھ پیسے کا ہے مگر تمھارے باوا سے بھی نہ ٹوٹے گا ۔۔۔۔۔ اس واسطے کہ مولوی جی (یعنی حضرت مولا نامحمد مظہر صاحب ) نے بتلایا تھا کہ جس مال کی زکوٰۃ دے دیجائے وہ اللہ کی حفاظت میں آجاتا ہے اور میں اس کی خوب زکوٰۃ دے چکا حضرت جی !یہ کہہ کرمیں تو سوگیا جب تہجد کے واسطے اٹھا تو وہ سب تالہ جھنجھوڑ رہے تھے مگر وہ ذرا بھی نہ ٹوٹا ۔۔۔۔۔اور اللہ کے فضل سے صبح ہوتے ہی بھاگ گئے۔۔۔۔۔ (تاریخ مظاہر)

اگرآپ کو یہ واقعہ پسند آیا ہے تو اسکو شئیر ضرور کریں اور اس طرح کے دیگر اسلامی واقعات اور اولیاء اللہ کے حالات و تذکرے آپ ہمارے ویب سائٹ
https://readngrow.online
پر بالکل مفت میں پڑھ سکتے ہیں ۔
تمام اسلامی مواد اور دیگر کیٹگریز کو دیکھنے کے لئے یہ لنک وزٹ کریں
https://readngrow.online/readngrow-categories/
نیز ہم اس ویب سائٹ کی مفید چیزوں کو اس واٹس ایپ چینل پر بھی شئیر کرتے رہتے ہیں ۔
https://whatsapp.com/channel/0029VaviXiKHFxP7rGt5kU1H
یہ چینل فالو کرلیں ۔