بدنگاہی کی وجہ سے نصرانی ہوگیا اور خاتمہ بھی کفر پر ہوا

ملفوظاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ ایک حکایت ہے کہ مصر میں ایک شخص مسجد میں رہتا تھا اور اس کے چہرے پر نور عبادت کا چمکتا تھا۔ ایک روز اذان کہنے کے لیے مینارے پر چڑھا، اس مینارے کے نیچے ایک نصرانی کا گھر تھا ، اس کی بیٹی پر نظر پڑگئی اور عاشق ہوگیا ، اور اذان چھوڑ چھاڑ کر نیچے اترا اور اس کے گھر پہنچا۔ لوگوں نے دریافت کیا کہ کیا بات ہے اور کیا چاہتا ہے۔ اس شخص نے اپنا حال بیان کیا اور کہا کہ میں اس لڑکی کو چاہتا ہوں ۔ لڑکی نے جواب دیا کہ تو مسلمان میں نصرانی ، میرا باپ تجھ سے ہرگز نکاح نہیں کر سکتا۔ کہنے لگا کہ اگر نصرانی ہوجاؤں تو؟ اس نے کہا اس وقت ممکن ہے۔ یہ شخص نکاح کی امید میں نصرانی ہوگیا۔ ابھی نکاح نہیں ہوا تھا کہ کسی کام کے لیے کوٹھے پر چڑھا ، وہاں سے اتفاقاً گرا اور مرگیا۔ *خسر الدنيا والآخرة* ۔ یہ آفتیں عشقِ صورت کی ہیں۔ اکثر لوگ اس بلا کو خفیف سمجھتے ہیں اور بعضے اس کو نعوذ باللہ موجبِ قرب الہی و آئینہ مشاہدہ جمالِ حقیقی سمجھتے ہیں جوسراسر الحاد و زندیقی کا اعتقاد ہے۔

نوٹ:- یہ ملفوظات ڈاکٹر فیصل صاحب (خلیفہ عبدالمتین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔