باطنی امراض کے علاج کے لیے خداداد بصیرت

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

طالبین سلوک میں سے ایک شخص نے خط لکھا کہ مجھ میں کبر بہت ہے اور فرمایا کہ مجھے بھی محسوس ہوا کہ واقعی کبر ہے ، ان کا یہ احساس غلط نہیں۔ میں نے ان کے لیے یہ علاج تجویز کیا کہ اپنا یہ مرض خط میں لکھ کر میرے پاس بھیج دو، اسی طرح پانچ مرتبہ یہ کام کرو ۔ بحمداللہ پانچ مرتبہ لکھنے کی نوبت پوری ہونے سے پہلے ہی یہ مرض جاتا رہا۔ مشائخ طریق کو جنہیں حق تعالیٰ کی طرف سے اصلاحِ خلق کی خدمت عطا کردی جاتی ہے ان کو ہر شخص کے علاج کے لیے نئی نئی تدبیریں بھی سکھا دی جاتی ہیں جو زمانے اور مقام اور افراد کی خصوصیات پر نظر کرکے یہ حضرات تجویز کرتے ہیں اور ان کا نفع مشاہدہ میں آتا ہے۔(آداب ِ شیخ و مرید، صفحہ ۳۵۹)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات شیخ و مرید کے باہمی ربط اور آداب سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں