اگر ناقابل کے پاس جا پھنسے تو کیا کرے

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ اگر کسی ایسی جگہ جا کر پھنس جائے جس سے اطمینان نہ ہو تو چاہیے کہ اس سے استفادہ نہ کرے اور تعلیم و تلقین حاصل نہ کرے خواہ وہ ناراض ہی کیوں نہ رہے ، کیونکہ یہ ناراض ہونا ناحق ہوگا ، اس سے کچھ اندیشہ نہیں ، ہاں مخالفت نہ کرے اور اپنی طرف سے اس کی گستاخی اور دل آزاری نہ کرے۔ ایسے شخص سے استفادہ کرنا فضول ہوتا ہے کیونکہ استفادہ کے لیے اعتماد شرط ہے ،جس پر اعتماد نہیں اس کی تعلیم دل میں مؤثر کیا ہوسکتی ہے ۔ اسی واسطے میں بعض مریدوں کو دوسروں کے پاس بھیج دیتا ہوں ، جب دیکھتا ہوں کہ ان کو میرے اوپر پورا اطمینان نہیں۔(آداب ِ شیخ و مرید، صفحہ ۳۴۷)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات شیخ و مرید کے باہمی ربط اور آداب سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں