امراء کے پاس بیٹھ کر قلب میں دین کا اثر کمزور ہوجاتا ہے

ملفوظاتِ حکیم الامت مجدد الملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ امراء کے پاس بیٹھ کر قلب میں دین کا اثر کمزور ہو جاتا ہے اور دنیا کا اثر قوی ہوجاتا ہے۔ اور یہ اثر اس وجہ سے ہوتا ہے کہ ان کے پاس تابع بن کر جاتے ہیں اور جو شخص کسی کے پاس قصد کرکے جائے گا اس پر اس کا اثر ہوگا چنانچہ اگر امراء قصد کرکے اہل دین کے پاس آئیں تو ان پر دین کا اثر ہوگا اور اگر اہل دین امراء کے پاس قصد کرکے جائیں گے ان پر دنیا کا اثر ہوگا۔ غرض اثر تابع پر ہوا کرتا ہے متبوع پر اثر نہیں ہوا کرتا۔ یہی قاعدہ صحبتِ بد، نیک کا ہے،

اگر بد آدمی نیک آدمی کی صحبت اختیار کرے اور تابع بن کر اس کے پاس رہے تو اس پر اثر ہوگا اور دین پیدا ہو گا۔ اگر نیک آدمی بدصحبت تابع بن کے اختیار کرے اور اس کے پاس رہے تو اس پر اثر بدی کا ہوگا۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔