اللہ تعالیٰ کے حلم کا واقعہ

رسول اﷲ صلی اﷲ علیہ وسلم فرماتے ہیں کہ ایک جہنمی ایک ہزار سال تک جہنم میں چلاتا رہے گا: یَا حَنَّانُ یَا مَنَّانُ! تب اﷲ تعالیٰ جبرئیل علیہ السلام سے فرمائے گا: جائو! دیکھو! یہ کیا کہہ رہا ہے؟ جبرائیل علیہ السلام آکر دیکھیں گے کہ سب جہنمی برے حال میں سرجھکائے آہ وزاری کررہے ہیں، جاکر جناب باری تعالیٰ میں خبر کریں گے، اﷲ فرمائے گا، پھر جائو! فلاں فلاں جگہ یہ شخص ہے جائو، اسے لے آئو! حضرت جبرائیل علیہ السلام بحکم خداتعالیٰ جائیں گے، اور اسے لاکر خدا کے سامنے کھڑا کریں گے، اﷲ تعالیٰ اس سے دریافت فرمائے گا کہ تو کیسی جگہ ہے؟ یہ جواب دے گا کہ خدایا! ٹھہرنے کی بھی بری جگہ، اور سونے بیٹھنے کی بھی بدترین جگہ ہے۔۔۔۔۔
خدا تعالیٰ فرمائے گا: اچھا اب اسے اس کی جگہ واپس کر آئو، تو یہ گڑ گڑائے گا، عرض کرے گا کہ اے میرے ارحم الراحمین خدا! جب تو نے مجھے اس سے باہر نکالاتو تیری ذات ایسی نہیں کہ تو پھر مجھے اس میں داخل کردے، مجھے تجھ سے رحم و کرم ہی کی امید ہے، خدایا! بس اب مجھ پر کرم فرما! جب تو نے مجھے جہنم سے نکالا تو میں خوش ہوگیا تھا کہ اب تو اس میں نہیں ڈالے گا، اس مالک و رحمان و رحیم خدا کو بھی رحم آجائے گا اور فرمائے گا: اچھا میرے بندے کو چھوڑ دو۔۔۔۔۔ (تفسیر ابن کثیر: ۴/۱۹)

اگرآپ کو یہ واقعہ پسند آیا ہے تو اسکو شئیر ضرور کریں اور اس طرح کے دیگر اسلامی واقعات اور اولیاء اللہ کے حالات و تذکرے آپ ہمارے ویب سائٹ
https://readngrow.online
پر بالکل مفت میں پڑھ سکتے ہیں ۔
تمام اسلامی مواد اور دیگر کیٹگریز کو دیکھنے کے لئے یہ لنک وزٹ کریں
https://readngrow.online/readngrow-categories/
نیز ہم اس ویب سائٹ کی مفید چیزوں کو اس واٹس ایپ چینل پر بھی شئیر کرتے رہتے ہیں ۔
https://whatsapp.com/channel/0029VaviXiKHFxP7rGt5kU1H
یہ چینل فالو کرلیں ۔