اس زمانہ میں یہ بھی دیکھنا چاہیے کہ لڑکا گمراہ فرقوں سے متعلق تو نہیں

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ اس بارے میں سخت احتیاط لازم ہے ، خصوصاً اس کی تحقیق نکاح سے پہلے نہایت ضروری ہے کہ لڑکا کسی گمراہ فرقہ کے عقائد کا معتقد تو نہیں ہے؟ اور قدیم گمراہ فرقوں میں سے نہ ہونے پر بھی قناعت نہ کی جائے ۔ آج کل روزانہ نئے نئے فرقے نکل رہے ہیں اور زمانہ آزادی کا ہے اس لیے اس شخص کی ان نئے فرقوں میں سے نہ ہونے کی مستقل تحقیق ضروری ہے۔ اسی طرح اگر وہ انگریزی خواں ہے تو دیکھ لیا جائے کہ جدید تعلیم کے اثر سے اس کی آزادی استخفاف (یعنی دین کو ہلکا اور گھٹیا سمجھنے) یا ضرورتِ دین کا انکار کرنے تک تو نہیں پہنچ گئی ، ورنہ اگر ایک کلمہ بھی کفر کا منہ سے نکل گیا تو بغیر تجدید اسلام و تجدید نکاح کے حرام کا ارتکاب ظاہر ہے جس کو نہ غیرت قبول کرتی ہے نہ حمیّت ِ اسلامی۔(صفحہ
۱۱۴،اسلامی شادی)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات نکاح یعنی اسلامی شادی سے متعلق ہیں ۔ ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں