آہ و زاری کی دولت

صلاح الدین ایوبی کا واقعہ ہے کہ عیسائیوںکے ساتھ صلیبی جنگیں ہو رہی ہیں۔۔۔۔ عیسائیوں نے اپنی پوری فوج میدان میں جھونک دی تاکہ ایک ہی ہلے میں مسلمانوں کو شکست دے دیں۔۔۔۔ مزید برآں کمک کے طور پر ایک بحری بیڑا بھی روانہ کردیا۔۔۔۔ صلاح الدین کو پتہ چلا تو اس کو پریشانی لاحق ہوئی مسلمان تعداد میں تھوڑے ہیں سازو سامان میں کم ہیں، کفار کا مقابلہ ہم کیسے کریں گے؟ صلاح الدین ایوبی بیت المقدس میں جاتا ہے ساری رات رکوع اور سجدہ میں گزار دیتا ہے، اللہ کے سامنے مناجات کرتا رہتا ہے۔۔۔۔ فجر کی نماز پڑھ کر باہر نکلا، ایک نیک اور بزرگ آدمی جاتے ہوئے نظر آئے۔۔۔۔ صلاح الدین ایوبی قریب آتا ہے اس بزرگ کو سلام کرکے کہتا ہے، حضرت معلوم ہوا ہے کہ کفار کا ایک بحری بیڑا چل پڑا ہے جو مسلمانوں پر حملہ کرے گا ہمارے پاس ان سے نمٹنے کیلئے فوج نہیں ہے آپ دعا کریں کہ اللہ تعالیٰ مسلمانوں کو فتح عطا فرمائے۔۔۔۔ وہ صاحب نظر تھے آنکھ اٹھا کر صلاح الدین ایوبی کے چہرے کودیکھا اس کی رات کی کیفیات کو بھانپ لیا۔۔۔۔ فرمانے لگے صلاح الدین ایوبی تیرے رات کے آنسوئوں نے دشمن کے بحری بیڑے کو ڈبو دیا ہے۔۔۔۔ واقعی اگلے دن خبر پہنچی کہ دشمن کا بحری بیڑا ڈوب چکا تھا۔۔۔۔ ایک وقت تھا رات کے آخری پہر میں مسلمانوں کے ہاتھ اٹھتے تھے اللہ تعالیٰ دنیا کے جغرافیہ کو بدل دیا کرتے تھے۔۔۔۔ آج اس وقت ہماری آنکھ نہیں کھلتی۔۔۔۔ اس دال ساگ کے مزے نے ہمیں عبادات کے مزے سے محروم کرڈالا۔۔۔۔ (جواہرات فقیر 1ص129)

اگرآپ کو یہ واقعہ پسند آیا ہے تو اسکو شئیر ضرور کریں اور اس طرح کے دیگر اسلامی واقعات اور اولیاء اللہ کے حالات و تذکرے آپ ہمارے ویب سائٹ
https://readngrow.online
پر بالکل مفت میں پڑھ سکتے ہیں ۔
تمام اسلامی مواد اور دیگر کیٹگریز کو دیکھنے کے لئے یہ لنک وزٹ کریں
https://readngrow.online/readngrow-categories/
نیز ہم اس ویب سائٹ کی مفید چیزوں کو اس واٹس ایپ چینل پر بھی شئیر کرتے رہتے ہیں ۔
https://whatsapp.com/channel/0029VaviXiKHFxP7rGt5kU1H
یہ چینل فالو کرلیں ۔